Disklêriet eo bet e prefeti Liger Atlantel d’ar 5 a viz Kerzu 2003, disklêriadur embannet e Kazetenn Ofisiel ar Republik c’hall d’an 10 a viz Genver 2004.

Palioù "Bannieloù Breizh"

• Lakaat ar vannielourien d’en em gavout kenetrezo, evit se e vez aozet teir bodadeg ar bloaz ma c’hallont krouiñ liammoù, eskemm ha kas war-raok ar vannielouriezh e Breizh;
• Strollañ an holl zielloù diwar-benn bannieloù Breizh, re ar c’hêrioù, ar peier, ar c’hevredigezhioù hag an aozadurioù, en amzer dremenet hag en amzer vremañ.
• Ledañ ar c’heleier-se hag o mirout dre embann ur c’hannadig c'hwec'hmiziek “Kannadig Bannieloù Breizh” da anv dezhañ;
• Kinnig da gêrioù Breizh ha da ensavadurioù ar vro bannieloù a-zoare;
• Difenn, mirout ha kas war-raok glad sevenadurel broadel Breizh.

Penaos treiñ ar ger vexillology e brezhoneg? Gallet e vije bet evel-just loc’hañ diwar ar ger etrebroadel veksillologiezh, savet diwar al latin vexillum. Koulskoude e kav gwelloc’h ar brezhoneg ober gant gwriziennoù predenek, hag ober gant gerioù anavezet. Setu perak eo bet lezet ivez a-gostez ar ger predenek luman a gaver troet gant “vexillum” en Armes Prydain Fawr (Xvet kantved). Diwar ar ger “banniel” anavezet mat eo bet savet ar ger bannielouriezh.

Yezh ofisel hor c'hevredigezh eo ar brezhoneg. Graet e vez ivez gant ar galleg.